PRESS HANDOUT

 

(14 of 2024) (23rd February, 2024)

 

1.    Excise & Narcotics Department, Mara Thyutlia Py (MTP) leh Assam Rifles te thawkho chuan 22nd February, 2024 (Ningani) zan dar 9:30 khan Bualpui Road, Siahatla-II, Siaha-ah heroin gram 277 (Hawng 22) leh a neitu nia puh mi pathum - Bika (39) s/o Mangpeng, Salen, Thantlang District. Myanmar; Zatlungliana (42) S/o MC. Rotluangi, Sangau-IV, Lawngtlai District leh Tuankhara (56) S/o Darkiaua, Thaltlang, Lawngtlai District nia inchhalte an man. Heroin an phurhna lirthei, Mahindra Pick-up (Reg.no. MZ 01 U 7436) pawh hrensak an ni. Heng heroin te hi Salen, Thantlang District, Hakha, Myanmar atanga an lak, Siaha leh a chhehvela hralh tura tih mek a ni.

 

Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. 23rd February 2024-ah Court-a hruai nghal an ni.


 

2.    Pi R. Lalduhawmi, Judge, Special Court (ND&PS Act, 1985), Aizawl chuan Methamphetamine vanga man mi palite chu thiamloh a chantir.

            28th October, 2022 khan Excise & Narcotics Department chuan Methamphetamine tablet 10,000 (Kg 1 & gram 4) leh he case-a inhnamhnawih nia puh mi pali - Zodingliana aka Zadingluaia (40) S/o Rinthanga, Chaltlang venglai, Aizawl; Samil Ahmed (28) S/o Sahab Uddin, Kalalchouri, Karimganj District, Assam; Vanlalruati (41) D/o Siamliana (L), North Hlimen, Kolasib District leh Zorampari (46) D/o Lianzama (L), Bilkhawthlir Kawn veng te chu an man a. An pali hian The Narcotic Drugs & Psychotropic Substances Act, 1985 tlawhchhanin thubuai siamsak an ni.

 

            He Case hi Judge, Special Court (ND&PS Act, 1985), Aizawl chuan ngaihtuahin thuhretu kovin, finfiahna hrang hrangte a endik hnuah 9th February 2024 khan The Narcotic Drugs & Psychotropic Substances Act, 1985 tlawhchhanin thiamloh chantirin 13th February 2024 khan thiamloh changte hremna hi a puang.

 

            Zodingliana aka Zadingluaia chu heng ruihhlo hralh tur zuartu ber niin Section 22 (c) of NDPS ACT hmangin kum 10 chhung hrehawm taka lungin tang tur leh pawisa Rs. 1,00,000/- (cheng nuai khat) chawi tura hrem a ni a, heng pawisa chawi tur hi a neih loh chuan thla 4 dang a tan belh ang.

 

            He case-a thiam loh chantir midang pathum - Samil Ahmed, Vanlalruati leh Zorampari te pawh Section 22 (C) of NDPS ACT hmangin kum 10 chhung hrehawm taka lungin tang theuh tur leh pawisa Rs. 1,00,000/- (cheng nuai khat) theuh chawi tura hrem an ni a, heng pawisa chawi tur hi an neih loh chuan thla 2 dang an tan belh ang.

 

            Tin, Samil Ahmed, Vanlalruati leh Zorampari te hi ruihtheih thil kaihhnawiha thil tisualtute an tanpui avangin Section 29 of NDPS ACT hmangin thiamloh chantir theuh an ni bawk a, kum 10 chhung hrehawm taka lungin tang theuh tur leh pawisa Rs. 1,00,000/- (cheng nuai khat) theuh chawi tura hrem an ni bawk a, heng pawisa chawi tur hi an neih loh chuan thla 2 dang an tan belh ang. Amaherawhchu Court-in an chungah zahngaihna lantirin heng hremna chi hnihte hi hun thuhmuna kaltir (concurrently) a ni ang.

 

            He thubuaiah hian Sawrkar aiawhin R. Lalnunpuia Addl PP, Ramdingliani APP leh Zosangpuia APP te an ding a ni.


 

 

Dated : Aizawl 

23rd February, 2024

 

 

 

                                                                                                            Sd/-

                                                                                      PETER ZOHMINGTHANGA

                                                                                         Public Relations Officer, 

                                                                           Commissionerate of Excise & Narcotics, 

                                                                                               Aizawl, Mizoram.