Ruihhlo vanga man chu Judge, Special Court of ND&PS Act, Lunglei District chuan thiam loh a chantir.

Kum 2021, February ni 25 tlai dar 3:22 khan Sub-Inspector of Excise & Narcotics C. Lalbiaktluanga leh hote chuan an thu dawn bawhzuiin Hnahthial District, Ngharchhip atanga Km 13 vela hla, Myanmar ramri, Tiau lui bulah ruihhlo - Heroin gram 762 (Hawng 63) a lo kawl vangin Bawinungchung (26) s/o Lalremthang, Leisen, Myanmar chu an man a. Excise & Narcotics Department, Lunglei District-ah case no – 76/2021 U/S 21 ( c ) of NDPS Act, 1985 (dated 25th February, 2021) chu register niin Sub-Inspector of Excise & narcotics – H.C. Lalramthara chu Case Investigating Officer a ni.

He Case hi Pu F. Rohlupuia, Judge, Special Court (NDPS Act), Lunglei District Court-ah ngaihtuah a ni a. Prosecution lam atangin witness 4 exam an ni a, Defence lam atangin witness 3 exam an ni thung.

Court dan anga thuhretu hrang hrang te thusawi leh finfiahna hrang hrangte enfiah a nih hnuah Judge, Special Court (NDPS Act), Lunglei District chuan July ni 12, 2023 khan thiamloh chantirin, July ni 13, 2023 (Ningani) khan court thutlukna (judgement) a puang ta a ni. Court chuan ruihhlo neitu – Bawinungchung (26) s/o Lalremthang, Leisen, Myanmar hi Section 21 ( c ) of NDPS Act 1985 hnuaiah thiamloh chantirin Rim taka Kum 10 chhung Jail tang tur leh pawisa  1,00,000 (Nuai Khat) chawi turin a ti a. Pawisa chawi tur hi a neih loh chuan thla 10 (sawm) dang jail tang belh leh turin a ti a ni. Thiamloh chantir tak, Bawinungchung chuan India ram Dan puiin a khap heroin te hi Myanmar atanga Mizoram-a hralh tura a rawn phurh a nih thu Court hmaah hian a puang a ni.

He case-ah hian sawrkar aiawhin Pi C. Vanlalmuani, Additional Public Prosecutor a ding a ni.

Sd/-

PETER ZOHMINGTHANGA

Public Relations Officer,

Commissionerate of Excise & Narcotics,

Aizawl, Mizoram.