ZU MAN SA TIHCHHIAT A NI
20th October, 2020 (Thawhlehni) dar 2:00 khan Bethany Multipurpose Farm, Phunchawngah Excise & Narcotics Minister, Dr. K. Beichhua chuan Excise & Narcotics Department-in IMFL (Whisky leh Rum) an man sa thahnem tak a tichhia a ni.
Zu tihchhiatte chu hetiang hi a ni :
Whisky (750 ml) - 2904 bottles; Rum(750 ml) - 2565 bottles; Beer (650 ml) - 299 bottles. Local market rate-a zu tihchhiat hlut zawng hi a vaiin Rs 56,56,400.00 lai a tling. Excise & Narcotics Minister hi Pu C. Lalmuanpuia, MLA leh Pu K. Liantlianga, Vice Chairman, Mizoram Social Defence & Rehabilitation Board tren an tawiawm.
Dr. K., Beichhua chuan thusawiin "Excise & Narcotics department mi leh sate hi kan thahnem lo. Mahse kan hnathawh a lawmawm thung. Tam lam laiin thawh that kan ngai pawimawh a ni. "Mi inpe tlemte avangin ram hi chhanchhuahin a awm thin reng a ni" a ti.
Minister chuan, "Excise & Narcotics department te hian kan hnathawhah thu innghahna (principle) nghet tak kan nei. chu chu - "Tlem mah ila, Pathian kan lamah a tang a, kan ral beih hi kan la hneh dawn a ni" tih hi a ni a ti. Ka Department chan 5 zingah END hi sum leh pai neilo ber department a ni nain thawktute inpekna leh an hnathawh avangin min tihlim ber a ni. Excise & Narcotics Department-a hnathawktute hian faktu kan nei ngai lo. Mahse chuti chung chuan kan bei zel ang a, kan la hneh ang. Zu lama hming lar tak, Rangvamual leh Phunchawng mipuite hian hei hi hria se ka duh,- He kan hmalakna hi ram leh mipuite tan a ni a; hmun dang atanga lokalte tan hmuhnawm loh tura kan vengte hi a awm phal lovang u. He zu leh ruihhlo donaah hian Phunchawng leh Rangvamual mipuite hi tel ve turi ka sawm a ni. Henglai hmun hi hmun thianghlimah siam ang u. A veng mipui, hetiang lama kawng zawh thinte pawh an thiltih thalo te bansan a, lo pen chhuak turin ka sawm a che u: tiin a sawi.
Minister chuan "Kan indona ah hian fak kan phut lo. A tha nia kan hriat chu kan bawhzui zel ang. Chutih rualin Kohhran leh khawtlang tanpuina kan sawm bawk a, anni tel lovin kan indona hian awmzia a nei thui thei lo fo thin.
Zu leh ruihhlo hian luhchilh ngam loh eng chhungkua mah a nei lo, chuvangin tu chhungkua pawh hian he sual hi kan nei thei vek a ni tih hriain kan do tlang tur a nio. Zu bakah ruihhlo dang te pawh theihtawpin kan bei zel ang a, chumi atana thawktu lakbelkh pawh kan buaipui mek a ni" tiin thu a sawi.
