Mizoram a ruihhlo hluar zel dona pakhat atan Mizoram Police te chuan June ni 1, 2024 zing dar 7:00 ‘Walk for Drug Free Mizoram” chu Aizawl-ah an buatsaih a. He ‘kawngzawh’ hi Chief Minister Pu Lalduhoma’n a vailiam a, Kharna hun tawi A.R. Lammual-ah CM hian a hmanpui bawk a. He kawngzawh ah hian Chanmari kawn atanga AR Ground thleng kea kal a ni.
Lammuala a kharna hun tawite hmanah Pu Lalduhoma, Chief Minister chuan tun hnaiah ruihhlo vangin mizo thalaite kan thih nasat thu a sawi a. Ruihhlo dona kawngah Sorkarin theihtawp a chhuah mek thu leh “Core-Committee on Ruihhlo do” pawh din thar a nih thu leh chak taka hmalak mek a nih thu a sawi.
‘Walk for Drugs Free Mizoram-ah hian Home Minister Pu K. Sapdanga te Excise & Narcotics Minister Pu Lalnghinglova Hmar te bakah Police Department leh Excise & Narcotics Department-a officer te leh sorkar official thahnem takin an tel pui a. Dan kengkawhtu te, tlawmngai pawl hrang hrang aiawh leh zirlai mi 1000 chuang an tel nia chhut a ni.
