PRESS HANDOUT

(5 of 2024) (26th January, 2024)

Excise & Narcotics Department chuan 25th January, 2024 (Ningani) tlai dar 3:15 khan Zanlawn, Kolasib District-ah Heroin Kg 1 & gram 53 (Hawng 96) leh a neitu nia puh mi pahnih - Kapthanruma (42) s/o Hlawntaia (L), Khawmawi, Myanmar leh Lalruatkima (51) s/o Biakmawia (L), Bualpui, Kolasib District-a khawsa nia inchhalte chu an man. Anni hnen atang hian heroin phurhna atana an hman Maruti EECO  Van Regn No MZ06-A/0057 an hrensak bawk.

Excise & Narcotics Department hian 26th January, 2024 (Zirtawpni) zing dar 1:30 khan, Bairabi road, Rengtekawn, Kolasib District-ah Heroin gram 261.370 (Hawng 21) an man leh bawk. Heroin man zawng zawng hi Kg 1 & gram 314 (Hawng 109) a ni. Heroin mante hi state pawna tihral tum mek lai a ni.

Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal a ni.

2024 Republic Day lawmnaah Serchhip Excise & Narcotics Station-a thawk mi pahnih - Sub-Inspector B. Lalengmawia chuan Governor's Gold Medal leh Constable C/494 Linda Lalhmangaihsangi chuan Governor's Silver Medal an dawng.


 

 

Republic Day 2024-a Governor's Gold medal dawngtu S.I. B. Lalengmawia leh Governor's Silver medal dawngtu C/494 Linda Lalhmangaihsangi