PRESS HANDOUT

(22 of 2023)

(3rd August, 2023)

 

Ruihhlo vanga man, Pi Lalengzauvi (47) d/o Rualkhuma, Lunglei Venglai chu Pu F. Rohlupuia, Judge, Special Court of ND&PS Act, Lunglei District chuan thiamloh a chantir.

 

Kum 2021, March ni 18 chawhma dar 10:30 khan Excise & Narcotics Department Officer, Asst. Sub-Inspector Pi C. Lalneihthangi chuan Pi Lalengzauvi chu heroin gram 331.500 (Hawng 24) a lo kawl avangin ama dawr nghah lai, Lunglei Venglai-ah  a man a. Excise & Narcotics Department, Lunglei District-ah case no – 103/2021 U/S 21 ( c )   of NDPS Act, 1985 (dated 18th March, 2021) chu register niin Sub-Inspector of Excise & Narcotics – Zothuamliana chu Case Investigating Officer a ni. 

 

He Case hi Pu F. Rohlupuia, Judge, Special Court (NDPS Act), Lunglei District Court-ah ngaihtuah a ni a. Prosecution lam atangin witness 4 exam an ni a, Defence lam atangin witness 2 exam an ni thung.

 

Court dan anga thuhretu hrang hrang te thusawi leh finfiahna hrang hrangte enfiah a nih hnuah Judge, Special Court (NDPS Act), Lunglei District chuan August ni 2, 2023 khan thiamloh chantirin, August ni 3, 2023 (Ningani) khan court chuan thiam loh chan avanga hremna (Sentence) a puang ta a ni. Court chuan ruihhlo neitu – Lalengzauvi do Rualkhuma, Lunglei Venglai hi Section 21 ( c ) of NDPS Act 1985 hnuaiah thiamloh chantirin Rim taka hnathawk chunga Kum 10 chhung Jail tang tur leh pawisa ` 1,00,000 (Nuai Khat) chawi turin a ti a. Pawisa chawi tur hi a neih loh chuan Kum 1 dang jail tang belh leh turin a ti a ni. Thiamloh chantir tak, Pi Lalengzauvi chuan India ram Dan puiin a khap heroin te hi Champhai atanga `4,80,000-a lak, hlep uma Lungleia hralh a tum thu leh tun \um hi hetiang thil a tih vawi hnihna leh a tih hmasa zawkah man a tawh loh thu Court hmaah hian a puang a ni.

 

He case-ah hian sawrkar aiawhin Pi C. Vanlalmuani, Additional Public Prosecutor a ding a, thiam loh chang ta, Pi Lalengzauvi aiawh hian ukil Pu ZD Lalnunsanga, Advocate a ding thung a ni.

 

Misualte an phu tawk anga hrem an nih theihna atana tha leh zung leh ngaihtuahna senga Prosecution Witness-a ding, Lunglei Venglai YMA hruaitute chungah Excise & Narcotics Department chuan lawmthu a sawi a ni.

            

 

                                                                                                       Sd/-                                           

Dated : Aizawl                                                               (PETER ZOHMINGTHANGA)       

3rd August,  2023                                                                    Public Relations Officer,

                                                                                    Commissionerate of Excise & Narcotics,

                                                                                                       Aizawl, Mizoram.