PRESS HANDOUT

 

(29 of 2023)

 

(25th August, 2023)

 

Pu Rohlupuia, Judge, Special Court (NDPS Act), Lunglei chuan ruihhlo neih vangin mi 4 te chu thiamloh a chantir.

 

Ni 23, August, 2023 khan Judge, Special Court (NDPS Act), Lunglei chuan Lalramdina s/o C. Vanlalchhunga (L), Lunglei Venglai leh Zothanpuia s/o Lalthankhuma, Chanmari-I, Lunglei te chu thiamloh a chantir.

 

14.2.2023 chawhnu dar 1:04 khan Lunglei Venglai-ah Excise & Narcotics Deptment chuan Lalramdina Scooter khalh lai atangin khuh damdawi (Codein-based Cough Syrup) bur 320 a man a. A hnuah damdawi neitu Zothanpuia chuh an man leh a ni. Case no. Exn-48/2023 dated 15th February, 2023 u/s 21© of NDPS Act 1985 ziahluh a ni. Zothanpuia hi Lianhna Drugs Store, Chanmari Veng Lunglei hnuaia medical representative a ni a. Medical representative licence nei a nihna hmang dik lovin hetiang hian ruihhlo hi a khawih a, Lalramdina chu thurualpui atan a sawm ta a ni. 

 

Hetianga Medical representative licence a hman dik loh avang hian Court chuan thubuai chu Section 26(d)-ah thlak (alter)-in an chungchang a rel a. Lalramdina leh Zothanpuia te hian an thil tihsual an puan avang leh Court chuan an thiamlohna finfiahna tha tawk a hmuh avangin Lalramdina leh Zothanpuia te chu Section 26(d) of NDPS Act hnuaiah thiamloh chantir (convict)-in rim taka thawk chunga thla 4 ve ve tang tur leh pawisa fai cheng 80,000/- ve ve chawi turin thiam loh a chan tir. Pawisa chawi tur hi an neih loh chuan thla 4 dang an tan belh ang. He thubuai ngaihtuah lai hian sawrkar aiawhin Pi C. Vanlalmuani, Addl Public Prosecutor chu a ding a, Pawikhawihtute aiawhin Pu C. Zokhuma a ding thung.

 

Ni 24, August, 2023 khan Pu Rohlupuia, Judge, Special Court (NDPS Act), Lunglei chuan Suiliana s/o Vanlaltluanga, College Veng, Lawngtlai leh H. Lallianpuii d/o Rumvunga, Bazar Veng Lawngtlai te pawh ruihhlo khawih avangin thiamloh a chantir.

            

April ni 10, 2023 tlai dar 3:30 khan Venglai Lunglei-ah Suiliana  hian a car khalh laiah khuh damdawi (Codein based cough syrup) bur 1,497 a phurh vangin Excise & Narcotics department chuan an man a. AS thurualpui H. lallianpuii pawh hemi zan dar 11:00 ah an man leh a ni.  Case No Exn-106/2023 dated 11/4/2023 u/s 21© NDPS Act 1985 ziahluh   a ni. H. Lallianpuii hi Lawngtlai Bazar vengah an makpa licence hmangin damdawi dawr a nei a, RT Daniels Pharmacy hnuaiah Medical Representative ni lai a ni bawk. Heng damdawite hi H. Lallianpuii’n Medical Representative a nihna hmang suala hralh a tum mek lai leh Suiliana chu Rs 6,000 hlawh turin a kenkual tir a ni. 

 

Hetianga Medical representative licence a hman dik loh avang hian Court chuan thubuai chu Section 26(d)-ah thlak (alter)-in an chungchang a rel a. An thiamloh thu an puan ve ve avang leh Court-in an thiamlohna finfiahna tha tawk a hmuh avangin Suiliana leh H. Lallianpuii te chu Section 26(d) of NDPS Act hnuaiah thiamloh chantir (convict)-in rim taka thawk chunga thla 5 ve ve tang tur leh pawisa fai cheng 90,000/- ve ve chawi turin thiam loh a chan tir. Pawisa chawi tur hi an neih loh chuan thla 9 dang an tan belh ang.

 

He thubuai ngaihtuah lai hian sawrkar aiawhin Pi C. Vanlalmuani, Addl Public Prosecutor chu a ding a, Pawikhawihtute aiawhin Pu V. Lalmuanzuala leh Pu Lalthlamuana, advocate te an ding thung.

 


 

                                                                                                               Sd/-

Dated : Aizawl                                                                      (PETER ZOHMINGTHANGA)         

25th August,  2023                                                                     Public Relations Officer,

                                                                                       Commissionerate of Excise & Narcotics,

                                                                                                           Aizawl, Mizoram.