PRESS HANDOUT

(27 of 2023)

(22^nd August, 2023)

Excise & Narcotics Department chuan meth-amphetamine  an man.

Excise & Narcotics Department chuan 22^nd August, 2023 (Thawhlehni) zing dar 9:15 khan Edenthar Veng-ah meth-amphetamine Kg 9 & gram 782 (Tablet 1,00,000) leh he ruihhlo lei leh hralhnaa inhnamhnawih nia puh mi panga – Manik Debnath (39) s/o Nikhil Debnath, Bagber; Ram Chandra Das (35) s/o Kalpada Das, Madhya, Kalamchowra, Boxanagar, Sepahijala, Tripura West-a khawsa ve ve; Zonunsanga (32) s/o Ramhluna (L) leh Lalruatzela (31) s/o Lalringliana, Khawmawi, Myanmar-a khawsa ve ve nia inchhal leh Khawpuimawia (32) s/o Biakthanga, Khawmawi, Myanmar, tuna Edenthar venga khawsa mek nia inchhalte an man.

Meth-amphetamine te hi Tahan, Myanmar atanga lak niin, Manik Debnath leh Ram Chandra Das te hian State danga hralh chhawn leh atana an tih a ni. Heng meth-amphetamine lei leh hralhna sum leh a phurhna atana hman Maruti Bezza Car (Regn No  MZ01X-0090 pawh man tel nghal a ni. 

Meth-amphetamine vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni. Meth-amphetamine vanga mante hi thiamloh chantir an nih chuan kum 10 atanga kum 20 chhung hrehawm taka Jail tantir leh pawisa  ` 1,00,000 atanga ` 2,00,000 thleng chawitir bawka hrem theih an ni ang.

                                                                                                      Sd/-

Dated : Aizawl                                                               (PETER ZOHMINGTHANGA)       

22^nd August,  2023                                                                 Public Relations Officer,

                                                                                    Commissionerate of Excise & Narcotics,

                                                                                                       Aizawl, Mizoram.