PRESS HANDOUT

(34 of 2025)

Excise & Narcotics Department chuan 14th October, 2025 (Thawhlehni) zing dar 9:00 khan Zote - Bulfek inkar kawngpui, Champhai District-ah heroin gram 31.300 (Hawng 2) leh a neitu nia puh mi pahnih - Zodinliana (42) s/o F. Laldinpuia (L) leh Lalmalsawmi (30) d/o Lalthlamuana, College Veng, Aizawl-a khawsa nia inchhal ve ve te an man. Hemi rual hian Heroin phurhna atana an hman, TATA Xenon Regn No MZ04 - 7843 pawh hrensak an ni.

Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, 14th October, 2025 khan District & Sessions Court, Champhai District-ah hruai an ni.

September ni 1, 2025-a Home Minister, Pu K. Sapdanga hova bul tan, Mizoram ruihhlo lut tur dona beihpui, Operation Jericho kal mekah Mizoram Police, Excise & Narcotics Department leh CYMA hnuaia Branch hrang hrang leh khawtlang hruaitu hrang hrangten thahnem ngai takin ruihhlo do beihpui thlakna hi an kalpui mek zel a. Hun dang aiin ram pawn lam atanga ruihhlo lo lut pawh a tlemin ruihhlo lo lut chhun man pawh a san phah hle a ni.

Operation Jericho hnuaiah Mizoram Police leh ramri hrula awm khuaten ramri atanga ruihhlo lo lut tur dona theihtawpa an kalpui mek lain, Excise & Narcotics Department lam pawhin ruihhlo hmangsualtute laka mipuite an him zawkna turin Mizoram khawpui hrang hrangah City Patrolling uluk takin an nei bawk a ni.

 

Dated: Aizawl

14th October, 2025

 

 

 

                                                                                                              Sd/-

                                                                                        PETER ZOHMINGTHANGA

                                                                                            Public Relations Officer, 

                                                                              Commissionerate of Excise & Narcotics,

                                                                                                   Aizawl, Mizoram