PRESS HANDOUT

(6 of 2024) (30^th January, 2024)

Excise & Narcotics Department chuan 29^th January, 2024 (Thawhtanni) khan hmun hrang hrangah ruihhlo thahnem tak an man.

Excise & Narcotics Department 29^th January, 2024 (Thawhtanni) tlai dar 4;23-ah khan new Vervek Bawlhhlawh paihna bulah Ganja Kg 186 leh a neitua mi pahnih - Felix Malsawmdawngliana (20) s/o Kamdinglien, Mual veng, Senvon, Manipur leh Hmingthanglien (34) s/o Lianhmingthang (L), Rengkai, Muanhlum, Manipur-a khawsa nia inchhalte chu an man. Ganja phurhna atana an hman TATA YODHA (Regn No - MZ01X-6743) pawh hrensak nghal an ni.

Excise & Narcotics Department 29^th January, 2024 (Thawhtanni) tlai dar 6:15 khan Pukpui, Lunglei-ah Heroin gram 122.870 (Hawng 10) leh a neitu nia puh mi pahnih Immanuel Lalrinchhana (34) s/o Rizawna (L) leh C.Lalramnunmawii (35) d/o Lalremliana, ITI veng, Aizawl-a khawsa ve ve nia inchhalte chu an man. Ani pahnihte hi nupa an ni. Heroin phurhna atana an hman Magnite Car (Regn No - MZ-01Z-5699) pawh hrensak nghal an ni.

Excise & Narcotics Department leh Central YMA Kumpuan Committee thawkdun chuan 30^th January, 2024 (Thawhlehni) zing dar 7:00 khan Khatla-ah Heroin 1 Kg & 620 grams (Hawng 95) an man. He ruihhlo case hi chhui chian mek a ni.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal an ni.

Dated : Aizawl 

30th January, 2024

                                                                                          Sd/-

                                                                             PETER ZOHMINGTHANGA

                                                                                        Public Relations Officer, 

                                                                Commissionerate of Excise & Narcotics, 

                                                                                  Aizawl, Mizoram.