PRESS HANDOUT

(1 of 2024) (5th January, 2024)

 

5th January, 2024 chawhma dar 10:00 khan Excise & Narcotics Minister, Pu Lalnghinglova Hmar hovin Excise & Narcotics Department chuan Commissionerate of Excise & Narcotics Building Conference Hall-ah Department thawktute chuan Kumthar Inhlantharna an nei.

 

He Kumthar Inhlantharna inkhawm hi Pu Peter Zohmingthanga, Joint Commissioner of Excise & Narcotics chuan a kaihruai a. Pu Z. Lalhmangaiha, Commissioner of Excise & Narcotics chuan Welcome & Introductory Speech neiin, Excise & Narcotics Minister Pu Lalnghinglova Hmar chuan hnathawktute fuihna thu sawiin Pathian hnena inhlanna hun a hmang.

 

He inhlantharna inkhawmah hian Pu Lalnghinglova Hmar chuan thawktute chu fuihin , "Excise & Narcotics Department-a thawktute hi Mizoram mipuiten zu leh ruihhlo dona kawnga an rin ber kan nih angin rintlaka kan thawh a pawimawh. Dan angin kan thawk ang a, Dan hnuaiah kan thawk bawk ang. Thawktu lak belh leh tul dangah hmasawn chu kan tum zel ang. Chutih rualin kan neihsaah lungawiin inrintawkna nen kan thawk ang a, hma kan sawn zel ang. Engkimah Pathian ring chunga kan thawh chuan kan ram tan thlamuanawm department kan ni zel ang" tiin a sawi.

 

Excise & Narcotics Department hian 4th January 2024 khan hmun hnih - Vaivakawn leh Thuampui vengah Ganja Kg 20 & gram 588 leh a neitu nia puh mi 6 - Vanlalhmangaihsangi (28) d/o Lalmuana leh Ramtharnghaka (25) s/o Lalmuana, State Veng, Vairengte ve ve; Khairul Amin Laskar (26) s/o Mulrobir Ali Laskar (L); Bongaram, Cachar, Assam; Lalnunpuii (29) d/o Lalhluna, Saihapui 'V', Kolasib District; Javed Hussain (22) s/o Monis Uddin, Rajghat Village, Bagha Bazar, Cachar District; leh Lalchhuanmawia (25) s/o Zothanmawia, Vairengte Chhim Veng, tuna Vaivakawn, Aizawl-a khawsa mek nia inchhalte an man. An hnen atang hian Ganja phurhna atana an hman, TVS Jupiter Scooter Regn No AS-11-AA/3319 an hrensak nghal bawk.

 

Ganja vanga mante hi The Narcotic drugs & Psychotropic Substances Act, 1985 hnuaiah thubuai siamsak an ani a, Special Court (ND&PS), Aizawl District-ah hruai nghal an ni.

 

Dated : Aizawl

5th January, 2024

 

 

                                                                                          Sd/-

                                                                      PETER ZOHMINGTHANGA

                                                                      Public Relations Officer, 

                                                                      Commissionerate of Excise & Narcotics, 

                                                                      Aizawl, Mizoram.


 



 

 Ni 4th January, 2024 a Heroin man thlalak leh accused thlalak