PRESS HANDOUT

(24 of 2024) (6th May, 2024)

May ni 5, 2024 (Thawhtanni) chawhnu dar 3:00 Chief Secretary Conference Hall- ah Excise & Narcotics Minister, Pu Lalnghinglova Hmar hovin a bial chhung, Vaivakawn khawtlang hruaitu hrang hrangte leh Excise & Narcotics Department hotute nen Vaivakawn huam chhunga zu leh ruihhlo do dan tur leh a zuarte tihrem dan ngaihtuahin Joint Meeting an nei.

He Meeting-ah hian Vaivakawn atangin Local Council Member, Branch YMA, MUP, MHIP, Vaivakawn Siamtha Pawl (VSP) Office Bearers te an tel kim hle. He meeting hi Aizawl West-II bialtu MLA leh Excise & Narcotics Minister ni bawk, Pu Lalnghinglova chuan a bial chhunga Vaivakawn hmun thenkhat, tun thlenga zu leh ruihhlo chelekna hmun pakhat la ni chu veiin a tihrem dan tur ngaihtuahin he inrawnkhawmna hi a ko a ni.

Pu Lalnghinglova Hmar chuan "Dan lova Zu leh ruihhlo khawihna hmun hrang hrangte chu thian famkim thei rih lo mah ila, Vaivakawn huam chhung bik chu kan thianfai dawn"a ti. Pu Lalnghinglova Hmar chuan, "Heng zu leh ruihhlo do hi huphurh lovin inthuruala khawtlangin kan beih phawt chhuan kan hlawhtling ngei ang. Tin, Vaivakawn huam chhunga zu leh ruihhllo khawih thinte pawh khawtlang leh sawrkar thenfai ngai lova mahnia an lo inthiarfihlim hi a finthlak zawk awm e,"a ti.

Vaivakawn khawtlang hruaitu hrang hrangten zu leh ruihhlo donaa hma an lo lak dante sawiin hma lak zel dan tura rawtna te lungrual takin an sawiho a. Hetianga inrawnkhawmna hi la neih chhunzawm a, hma lak vat a tul thu an sawi a ni.

He Meeting-ah hian Excise & Narcotics Department Secretary, Pu Lalramsanga Sailo leh Excise & Narcotics Commissioner Pu Z. Lalhmangaiha leh Senior officer dangte an tel bawk a ni.

 

Dated: Aizawl

6th May, 2024

 

                                                                                                             Sd/-

                                                                                         PETER ZOHMINGTHANGA

                                                                                          Public Relations Officer, 

                                                                           Commissionerate of Excise & Narcotics, 

                                                                                                 Aizawl, Mizoram.