END PRESS HANDOUT

(04 of 2025)

25th January, 2025

 

 

                        Excise and Narcotics Department leh Assam Rifles thawk dun te chuan January Ni 24, 2025 zan dar 6:30 khan Chhungte khua, Champhai District-ah Heroin kg 5 & gram 73 (hawng 440) leh a neitu nia puh mi pahnih - Gilbert Lalnunhlima (27) s/o PC Zoramthanga, Bairabi (Rail crossing) leh Lalawmpuia (29) s/o C.V.L Siama, Zemabawk (Beraw) nia inchhalte an man. Tin, Heroin phurhna atan an hman, truck - TATA 1618 C Regn. No. MZ01F-9135 chu hren sak an ni bawk.

 

                        Hemi zan vek hian heroin Gram 23.600 (Hawng 2) leh a neitu nia puh, Rorelkima (27) s/o Lalhruaia, Vanhne Lunglei District-a khawsa nia inchhal an man bawk. Rorelkima hnen atang hian heroin phurhna atana a hman, Maruti Alto K-10  thar hlak registration number la nei lo pawh hren sak a ni bawk.

 

                        Heroin vanga man te hi The Narcotic Drugs & Psychotropic Substances Act, 1985 tlawhchhanin thubuai siam sak an ni a, District & Sessions Court, Champhai District ah hruai nghal an ni.

 

Dated - 25th January 2025

 

 

                                                                                                                     Sd/- 

                                                                                                     Peter Zohmingthanga,

                                                                                                  Public Relations Officer,

                                                                                    Excise & Narcotics Department.