PRESS HANDOUT

(11 of 2023)

(7^th June, 2023)

Excise & Narcotics Department leh CADS, Central YMA te chuan Heroin \hahnem tak an man.

Excise & Narcotics Department leh CADS thawkdun chuan an thu hriat bawhzuiin May ni 27, 2023 zing dar 6:30 khan Zokhawthar – Aizawl Maxi Cab Service atangin Heroin gram 150 (Hawng 11), artui bawma dah chu an man a. Hemi tuk vekah hian mattress kara thuhruk, Heroin Kg 1 & gram 387 (Hawng 110) chu man a ni leh a. NDPS Act hnuaiah case ziah luh nghal a ni.

He Case hi chhuiin Excise & Narcotics Department chuan 28^th May, 2023 khan he case-a inhnamhnawih nia puh C. Lalrinmawii (39) w/o Lalrinsanga, Venglai East, Kolasib-a khawsa nia inchhal chu man a ni. Tin, 2^nd June, 2023 khan he case-a inhnamhnawih tho nia puh – Ruthi Lalduhawmi (24) d/o Thangzauva, Vairengte Hall Veng leh John C. Lalhmangaiha (28) s/o Lalramnghaka, Vairengte Kawngthar veng nia inchhalte chu man leh an ni.

Excise & Narcotics Department chuan he thubuai an chhuina kal zelah 6^th June, 2023 khan Vairengte Kawngthar vengah Heroin Kg 2 & gram 112 (Hawng 165) chu an man belh leh a ni. 

He case-a heroin man zawng zawng chu Kg 3 & Gram 649 (Hawng 286) a ni.

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

                                                                                                     Sd/-                                         

Dated : Aizawl                                                             (PETER ZOHMINGTHANGA)         

7^th June,  2023                                                                        Public Relations Officer,

                                                                                    Commissionerate of Excise & Narcotics,

                                                                                                       Aizawl, Mizoram.