PRESS HANDOUT

(40 of 2024) (10^th October, 2024)

Excise and Narcotics Department leh Department of Clinical Psychology, Mizoram University thawkdun chuan World Mental Health Day an hmang.

Kum 1992 atanga hmang tanin, kum tin October ni 10 hi khawvel pum huapa mihring rilru leh ngaihtuahna hriselna tibuai thei thil zirchian a, rilru hrisel zawk an neih theihna tura hmalakna ni, World Mental Health Day a ni. Kumina thupui chu Mental Health at Work tih a ni.

World Mental Health Day lawmna program hi Ch. Saprawnga Building kawt, Chanmari Vengah hman a ni a. Department of Clinical Psychology, MZU Faculty member te leh zirlaite bakah midang remchangten an hmang. He hunah hian Pu Peter Zohmingthanga, Joint Commissioner of Excise & Narcotics leh Pi Saidingliani Sailo, National Mental Health Program ten thu an sawi.

He hunah hian tunlai mihring, hnathawhna hmuna a chhan hrang hrang vanga rilru hrisellohna nei te, zu leh ruihhlo leh thil dang vanga khawtlangin a endawng tuarte, rilru lama beidawnna te, engtona nasa tak avanga nunphung buai mek te, Pathianin mihring a siamchhan leh ama hlutna pawh ngaihtuah thei lek lova ipiknain a tihbuai mek mi thahnem tak chhanchhuak a, kawng dik kawhhmuh a, nun awmze nei an lo neih theihna tura kaihhruaina pek chu an thupui ber a ni.

He hunah hian a mamawhte tan Mental Health Screening Camp buatsaih nghal a ni a, mipuiin an hlut hle.

Dated: Aizawl

10^th October, 2024

                                                                                                               Sd/-

                                                                                          PETER ZOHMINGTHANGA

                                                                                            Public Relations Officer,

                                                                             Commissionerate of Excise & Narcotics,

                                                                                          Aizawl, Mizoram.