PRESS HANDOUT
(17 of 2026)
Excise & Narcotics Department chuan hmun hrang hrangah ruihhlo an man.
Excise & Narcotics Department chuan 16th June, 2026 (Thawhlehni) tlai dar 4:55 khan Tuikual South, Temple Square, Aizawl-ah Heroin gram 241 (Hawng 20) leh a neitu nia puh - Gin Khan Sang (28) s/o Hau Khan Siam, Churachandpur, Manipur (tuna Chawnpui Veng, Aizawl-a Khawsa mek) nia inchhal an man.
Excise & Narcotics Department chuan 16th June, 2026 (Thawhlehni) zan dar 11:15 khan Khatla, Aizawl-ah Heroin gram 350 (Hawng 30) leh heng heroin manaa inhnamhnawih leh a neitu nia puh mi pathum - Vanlallianzauva (33) S/o Lalruata, Haiheng, Falam District, Myanmar (tuna Zokhawthar, Champhai District, Mizoram-a khawsa mek); K. C. Lalrintluanga (38) S/o Lalrinmawia, Ramhlun South, Aizawl leh Lalhmangaihzuali (30) D/o Lallianthanga, Bawngkawn Brigade Veng, Aizawl- a khawsa nia inchhalte an man a, Heroin phurhna atana hman Tata Intra V17 Truck (Regn No.MZ01 AB-9551) pawh hrensak nghal an ni.
Excise & Narcotics Department leh FIU, 14th Bn. Assam Rifles thawkdun pawhin 16th June, 2026 (Thawhlehni) zan dar 9:10 khan Tlangsam, Champhai-ah Methamphetamine tablet 9,786 (gram 950) leh a neitu nia puh mi pahnih - Lalramnghaka (30) s/o Thanvela leh Zosangzuala (38) s/o J. H. Vanlaldika, Zion Veng, Champhai-a khawsa ve ve nia inchhalte an man bawk.
Ruihhlo vanga mante hi The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, 17th June, 2026 khan Court- ah hruai nghal an ni
Dated : Aizawl
17th June, 2026
Sd/- (PETER ZOHMINGTHANGA)
Public Relations Officer,
Commissionerate of Excise & Narcotics,
Aizawl, Mizoram.
Attachment
