PRESS HANDOUT

(14 of 2026)

Excise & Narcotics Department, 23rd Assam Rifles leh an thawhpui dangte chuan May ni 26, 2026 (Nilaini) zan dar 11:10 khan an thudawn bawhzuia an duty-na atangin AOC veng, Lawngtlai-ah Methamphetamine Kg 9 & gram 807 kgs (Tablet 1,00,000) leh a neitu nia puh mi pahnih - Lalrammuana (47) s/o S. H. Lianhmingthanga, leh Lalrinpuia (44) S/o Pazawna, Armed veng south, Aizawl-a khawsa ve ve nia inchhalte an man. Methamphetamine phurhna atana an hman, lirthei, Mahindra Bolero (Regn. No. MZ-06-4625) pawh hrensak nghal an ni.

Methamphetamine te hi Lalrammuana leh Lianhmingthanga te hian Aizawl lam atanga lain, Lawngtlaia hralhna tur an zawn mek lai a ni.

Methamphetamine vanga mante hi Section 21(c) of The Narcotic Drugs & Psychotropic Substances Act, 1985 (NDPS Act) hmangin thubuai siamsak an ni a, District Court, Lawngtlai-ah hruai nghal an ni. Court-ah thiamloh an chang a nih chuan Kum 10 atanga kum 20 Jail tang tur leh pawisa Cheng Nuai 1 atanga cheng Nuai 2 thleng chawi bawk tura hrem theih an ni ang.

 

28th May, 2026

Aizawl.

 

 

Sd/-

Public Relations Officer,

Commissionerate of Excise & Narcotics, Aizawl, Mizoram.