Excise & Narcotics Department, Government of Mizoram, India

PRESS HANDOUT

(38 of 2024) (25^th September, 2024)

1. RUIHHLO MAN

Excise and Narcotics Department leh Kumpuan Committee, CYMA te thawk dun chuan Heroin an man.

Excise and Narcotics Department leh Kumpuan Committee, CYMA thawkdun chuan 25^th September, 2024 (Nilaini) zing dar 5:20 khan Zemabawk, Pushpak Mandir bulah heroin gram 510 (Hawng 44) leh a neitu nia puh mi pahnih - Vanlalchhandama (42) s/o R. Lalbiakthanga, Champhai Venglai leh Rampanmawia (22) s/o Rimawiliana, Champhai Tlangsam-a khawsa nia inchhalte chu an man. Heng mi mante hnen atang hian Heroin phurh kualna atana an hman maruti Wagon R Car (Regn No MZ04A 4510) pawh hrensak an ni bawk.

Heroin vanga mante hi the Narcotic Drugs & Psychotropic Substances Act, 1985 tlawhchhanin thubuai siamsak a ni.

2. SWACHHATA HI SEVA 2024 HMANG:

Tunlaia India ram puma faina beihpi thlakna, Swachhata Hi Seva 2024 hmanna kal mekah Excise & Narcotics Department chuan Aizawl khawpui chhunga ruihhlo ti thinte tawmkhawm tamna hmun hrang hrang luhchhuahin thenfai hna an thawk ngawrh hle a. Heng hmun atangte hian damdawi tihna hmanrua thenthang tawh chi hrang hrang an thianfai.

3. ADDICTS VAI THIN:

Excise & Narcotics Department hian ruihhlo ti thinte (Addicts) vaiin anmahni siamthatna turin Insiamthatna hmun (Rehabilitation Center/Home) hrang hrang 9- ah a remchan dan ang zelin an chhungte hriatpuinain an dah lut thin.

Kumin chhung hian ruihhlo ngai mi 130 (Mipa 123, Hmeichhia 7) zet chu heng Insiamthatna hmunah hian an dah lut tawh a ni.

Sd/-

PETER ZOHMINGTHANGA

Public Relations Officer,

Commissionerate of Excise & Narcotics,

Aizawl, Mizoram.