PRESS HANDOUT
(36 of 2024) (6th September, 2024)
Excise and Narcotics Department, Kumpuan Committee, CYMA leh Field Intelligence Unit (FIU), Assam Rifles te thawkho chuan Ganja leh Heroin an man.
Excise and Narcotics Department leh Kumpuan Committee, CYMA thawkdun chuan 5th September, 2024 (Ningani) zan dar 9:30 khan Chanmari West (Sairang Road)-ah Ganja Kg 28 & gram 237 leh a neitu nia puh - Zathanga (30) S/o Khulsi (L), Bilkhawthlir-a khawsa mek nia inchhal chu an man a, Ganja a phurhna lirthei Tata Yodha (Regn No. MZ01 Z-8256) pawh hrensak nghal a ni. Ganja hi Shillong, Meghalaya atanga lokal nia sawi a ni.
Excise and Narcotics Department leh FIU, Assam Rifles thawkdun chuan 5th September, 2024 (Ningani) zan dar 11:20 khan Falkland Veng (Heritage Longue bul)- ah Heroin gram 220 (Hawng 18) leh a neitu nia puh mi pali - Sabir Hussain Laskar (44) S/o Mojoraf Ali Laskar, Howaithang, Cachar District, Assam; Kuti Raja (40) S/o Taramuj Ali, Joyahanpur, Cachar District, Assam; Lalditsang (35) S/o Zonghaklien, Parbung, Churachandpur, Manipur (tuna Chite Veng, Aizawl-a khawsa mek) leh Lalchawngzovi (47) D/o Lalthanga (L), Chite Veng, Aizawl-a khawsa nia inchhalte chu an man.
Ganja leh heroin vanga mante hi the Narcotics Drugs & Psychotropic Substances Act, 1985 tlawhchhanin thubuai siamsak an ni a, September ni 6, 2024 khan Judge, Special Court (NDPS Act) hnenah thawn nghal an ni.
Ganja hi State thenawm - Meghalaya leh Tripura atanga Mizoram chhung lo lut a ni ber. Tunlaiin tleirawl thenkhatin Ganja hman an ching hle. Heng Ganja phurh kual, neih, kawl, zawrh, lei leh hman te bakah in bul huan emaw, lo lama Ganja chin hi The Narcotics Drugs & Psychotropic Substances Act, 1985 tlawhchhana thubuai lian tak neih theihna a nih avangin Ganja laka fihlim turin mipuite hriattir an ni.
Dated: Aizawl 6th September, 2024
Sd/-
PETER ZOHMINGTHANGA
Public Relations Officer,
Commissionerate of Excise & Narcotics,
Aizawl, Mizoram.
