PRESS HANDOUT

(35 of 2024) (5^th September, 2024)

Excise and Narcotics Department leh Kumpuan Committee, Central YMA thawkdun chuan Ganja thahnem tak an man.

Excise and Narcotics Department leh Kumpuan Committee, Central YMA thawkdun chuan 5^th September, 2024 (Ningani) zing dar 2:10 khan Durtlang kawn vengah Ganja Kg 44 leh a neitu nia puh - Lalchhanhima (35) s/o Lalbiakmawia, Durtlang Kawn Veng nia inchhal an man. He thubuai chhui zelnaah zing dar 2:40 khan Ganja Kg 77 leh a neitu nia puh - Lalawmpuia (38) s/o Lalbiakmawia, Durtlang Kawn veng nia inchhal chu an man bawk. Heng Ganja man thubuaia inhnamhnawih- Lalvenpuia (44) s/o Vanchhunga, Bazar Veng Lunglei pawh Zing dar 6:00 khan man tel nghal a ni.

Ganja vanga mante hi the Narcotics Drugs & Psychotropic Substances Act, 1985 tlawhchhanin thubuai siamsak an ni a, September ni 5, 2024 khan Judge, Special Court (NDPS Act) hnenah thawn nghal an ni.

Ganja man hi State thenawm - Meghalaya atanga Mizoram chhung lo lut a ni a, Tripura atangin a lo lut thin bawk. Tunlaiin tleirawl hovin Ganja hman an ching hle. Heng Ganja phurh kual, neih, kawl, zawrh, lei leh hman te bakah inbul huan emaw, lova ganja chin hi the Narcotics Drugs & Psychotropic Substances Act, 1985 tlawhchhana thubuai lian tak neih theih a nih avangin Ganja laka fihlim turin mipuite hriattir an ni.

Dated: Aizawl 5^th September, 2024

                                                                                                 Sd/- 

                                                                                      PETER ZOHMINGTHANGA

                                                                                        Public Relations Officer, 

                                                                          Commissionerate of Excise & Narcotics, 

                                                                                             Aizawl, Mizoram.