Excise & Narcotics Department, Government of Mizoram, India

PRESS HANDOUT

(45 of 2023) (24^th December, 2023)

Excise & Narcotics Department chuan 23^rd December, 2023 (Inrinni) chawhnu dar 1:40 khan Khatla-ah Methamphetamine tablet 20,000 (Kg 1.900) leh a neitu nia puh mi pahnih - Litan Nama(28) s/o Narayan Nama, Boxanagar, Sepahijala Dist, Tripura leh Jakir Hussain (23) s/o Humayun Kabir, Veluarchar, Sepahijala Dist, Tripura-a khawsa nia inchhalte chu an man. Methamphetamine phurhna atana an hman, Mahindra Scorpio, Regn No TR04-E-0772 pawh hrensak nghal an ni. Heng Mathamphetamine hi State pawna hralh tum mek an ni.

He case chhui zelnaah 24^th December, 2023 (Pathianni) chawhnu dar 2:40 khan an lirthei hrensak atang hian Methamphetamine 80,000 tablet (Kg 7.940) man belh a ni. Methampetamine man zawng zawng hi a vaiin 1,00,000 tablets (Kg 9.840) a ni. Tualchhung rate ang chuan Methamphetamine man zawng zawng hlutna hi Rs. 127,92,000 (Nuai Za Sawmhnih Pasarih, Sing kua Sanghnih) a ni.

Methampetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Special Court (NDPS Act), Aizawl District-ah hruai nghal an ni.

Excise & Narcotics Department-in 2023 Krismas & 2024 Kumthar vuatveta Mizoram puma Special Drive an neih mek (18^th December, 2023 atanga 24^th December thleng) ah zu leh ruihhlo leh a kaihhnawih hetiang zat hi an man tawh:

Particulars	Quantity	Particulars	Quantity
Rakzu	1139.300 liters	Beer (500 ml)	1571 cans
Zu Bilh lai	900 tins	Heroin	938.240 grams
IMFL (750 ml)	579 bots	Methamphetamine	9.840 Kgs
IMFL (375 ml)	18	Lirthei	5 nos
IMFL (180 ml)	245	Dan bawhchhia	261 nos
Beer (650 ml)	102 bots