PRESS HANDOUT

 

(26 of 2023)

 

(14th August, 2023)

 

 

Excise & Narcotics Department chuan heroin Kg 1 & gram 322 (Hawng 121) an man.

 

Excise & Narcotics Department chuan 13th August, 2023 (Pathianni) chawhnu dar 2:40 khan Khiangte Homestay, Bawngkawn atangin heroin Kg 1 leh gram 216 (Hawng 102) leh a neitu nia puh mi pahnih – Lamminthang Singson (40) s/o Paotinsei, Monglen Phai, Churachandpur District, Manipur leh Chingmuankim (31) d/o Gaoumang, Thingkahphai, Churachandpur, Manipur nia inchhalte an man.

 

Excise & Narcotics Department leh CADS thawkdun chuan 13th August, 2023 (Pathianni) zan dar 7:00 khan Salem veng-ah heroin gram 106 (Hawng 9) leh a neitu nia puh mi pahnih – Lalawmpuii (30) d/o C. Vanlalruata, Salem Veng, Zampuimanga Section leh Zonunsiami (46) d/o Liandawla, Salem Veng nia inchhalte chu an man bawk.

 

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

 

Tunlai hian Manipur atanga ram buai vanga Mizorama raltlana lo lutte atanga ruihhlo man leh Manipur atanga ruihhlo rawn keng lut man a awm nual tawh a. Chuvangin hetiang mi lo mikhual thei leh in luah tir an awm palh theih avanga fimkhur theuh turin Excise & Narcotics Department chuan Mizoram mipuite a chah. Hriat lohva ruihhlova inhnamhnawihte in leh lo leh ram hmantir emaw, mikhual emaw, thurual pui hi Dan anga thunun theih a nih avangin fimkhur a pawimawh hle a ni.


 

                                                                                                        Sd/-

Dated : Aizawl                                                               (PETER ZOHMINGTHANGA)       

14th August,  2023                                                                  Public Relations Officer,

                                                                                    Commissionerate of Excise & Narcotics,

                                                                                                       Aizawl, Mizoram.