PRESS HANDOUT

 

(34 of 2023)

 

(23rd September, 2023)

 

 

Excise & Narcotics Deptment chuan Methamphetamine an man.

 

Excise & Narcotics Department chuan 22nd September, 2023 (Zirtawpni) zan dar 8:00 khan Saitual daiah Methamphetamine tablet 2,00,000 (Kg 20 & gram 300) an man. Heng Methamphetamine te hi Myanmar atanga lak, State pawna hralh tum mek a ni. Methamphetamine neitua puh mi pahnih – Prasanjit Nama (24) s/o Santosh Nama (L), Manikyanagar leh Subrata Sarkar (29) s/o Narayan Sarkar, Kalsimura, Kalamchora Police Station, West Tripura District, Tripura-a khawsa nia inchhalte chu an man.

 

Excise & Narcotics Department hian methamphetamine phurhna atana an hman Mahindra XUV 300 car thar hlak (Registration number la nei lo) pawh an hrensak a. He car ah hian heng methamphetamine thuhrukna tur an lo siamchawp a ni.

 

Excise & Narcotics Department leh CADS, Central YMA thawkdun pawhin 22nd September, 2023 khan hmun hnihah heroin gram 52 leh a neitu nia puh mi 2 an man bawk.

 

Methamphetamine leh heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

 

 


 

                                                                                               Sd/-

Dated : Aizawl                                                     (PETER ZOHMINGTHANGA)            

23rd September, 2023                                                   Public Relations Officer,

                                                                      Commissionerate of Excise & Narcotics,

                                                                                       Aizawl, Mizoram.