(PRESS HANDOUT (34 of 2024) (31^st August, 2024)

Ruihhlo dona kawnga thawhhona tha lehzual an neih theih nan Excise and Narcotics Department-a Commissionerate staff te leh CYMA Kumpuan Committee te chuan Excise and Narcotics Commissionerate Conference hall-ah 31^st August, 2024 (Inrinni) khan inkawmhona hun an hmang.

Pu Vanlalruata, CEC, CYMA chuan he inkawmhona hi a kaihruai a, CYMA leh Excise and Narcotics Department atanga kalkkhawm te hian India ramin dan thar a hman - BNSS, BSA, BNS te zirhona hun neih a ni.

Pu Vanlalruata, Chairman chuan CYMA leh Excise and Narcotics Department ten tun hma ata tawh thawhhona tha tak an nei thin hi lawmawm a tih thu a sawi a, tun tuma inkawmhona hian rah tha lehzual a chhuah ngei a beisei thu a sawi bawk a ni. Pu H.F Lalrinpuia, Secretary CYMA Kumpuan Committee chuan Kumpuan Committee-in ruihhlo a man tawh zat report a pe bawk a ni.

Pu T. Lalramzauva, Dy. Commissioner of Excise and Narcotics Department chuan vawiina inkawmhona neih hian ruihhlo dona kawnga thawhhonaah, ruihhlo leh a kaihhnawih mihring man te'n an phu tawk hremna an hmachhawn theih nana dan zawm that a pawimawh thu leh helama hma latuten chak lohna laia inpuih tawn a ngaih thu kalkhawmte a chah bawk a ni.

Inkawmhona ah hian CYMA kumpuan Committee atangin mi 20 leh Excise and Narcotics Department atang hian mi 18 an tel thei a, zanriah an kilho nghal a ni.

Dated: Aizawl

31^st August, 2024

                                                                                                         Sd/- 

                                                                                      PETER ZOHMINGTHANGA

                                                                                        Public Relations Officer, 

                                                                          Commissionerate of Excise & Narcotics, 

                                                                                             Aizawl, Mizoram.