PRESS HANDOUT

(41 of 2024) (14^th October, 2024)

October ni 14, 2024 (Thawhtanni) khan Chief Minister Office-ah, Chief Minister Pu Lalduhoma chuan Excise & Narcotics Department hotute kawmin The Mizoram Liquor Prohibition Act, 2019 leh The Mizoram Liquor Prohibition Rules 2022 kenkawhnaa thil pawimawh thenkhatte bakah Dan hman mek tihphuisuina tur thenkhat a sawipui.

Ruihhlo dona chungchangah Chief Minister chuan, "Sawrkar hian a tir phat atangin ruihhlo donaah theihtawp kan chhuah nghal phat a, A bik takin Excise & Narcotics Department leh tlawmngai pawl hrang hrangte hmalakna hi fakawm ka ti hle mai. Tih takzetin an bei tih a hriat. Chutih rualin kan hmabak erawh a la ko hle a ni. Thahnem ngai takin ruihhlo hi bei zel tur kan ni" a ti.

He inkawmhonaah hian Pu Lalnghinglova Hmar, Excise & Narcotics Minister, Pu Lalramsanga Sailo, Secretary to Govt. of Mizoram, Excise & Narcotics Department; Pu Z. Lalhmangaiha, Commissioner of Excise & Narcotics bakah Senior Officer thenkhat an tel a ni.

Dated: Aizawl 

14^th October, 2024

                                                                                                              Sd/- 

                                                                                        PETER ZOHMINGTHANGA

                                                                                            Public Relations Officer, 

                                                                              Commissionerate of Excise & Narcotics, 

                                                                                                 Aizawl, Mizoram.