PRESS HANDOUT
(21 of 2025)
May ni 25, 2025 (Pathianni) khan Excise & Narcotics Department leh Central YMA hnuaia Ruihhlo dotu - Central Anti-Drugs Squad (CADS) te chuan Joint Operation neiin zan dar-ah 7:40 Phunchawngah Heroin gram 549 (Hawng 50) leh a neitu nia puh mi pahnih - C. Lalramnunmawii (37) d/o C. Lalremliana, Chanmari West, H/No. V-10(A), Aizawl leh Lalnunmawia (35) s/o Lalhmangaiha, Tuikual North, D Mual, Aizawl-a khawsa nia inchhalte an man a.
He thubuai chhuina kal zelah May ni 26, 2025 (Thawhtanni) dar 1:00 AM-ah Luangmual Industrial Complex-ah Heroin Kg 1 & Gram 549 (Hawng 140), Methamphetamine Kg 9 & Gram 817 man leh a ni a. Heng bakah hian ruihhlo phurhna atana an hman lirthei - TATA Yodha Regn No. MZ01 AB-4110 leh ruihhlo thila indawrna atana an hman mobile phone pahnih man sak an ni bawk.
Ruihhlo man zawng zawng hi Heroin Kg 2 & Gram 98 leh Methamphetamine Kg 9 & Gram 817 an ni. Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, May ni 26, 2025 khan Special Court (NDPS Act), Aizawl District-ah hruai nghal an ni. Heng ruihhlote hnamdang hnena pek tur niin an sawi.
Kumin, 2025, May ni 26 thlenga Excise & Narcotics Department-in ruihhlo leh a kaihhnawih an man dan chu hetiang hi a ni:
Particulars | UNIT | Quantity |
Heroin | In Kg | 26.415 |
Ganja | In Kg | 132.983 |
Opium | In gram | 945.000 |
Cough Syrup | In phial | 1,748 |
Alprazolam | In tablet | 23,572 |
Tramadol | In tablet | 2,033 |
Methamphetamine | In Kg | 67.179 |
Crystal Meth | In Kg | 48.061 |
Dated : Aizawl
26th May, 2025
Public Relations Officer,
Commissionerate of Excise & Narcotics,
Aizawl, Mizoram.
Attachment
