For English [click here]
Narcotics Control Bureau (NCB) chuan Mizoram Sawrkar hnuaia Drugs dona kawnga hma latu Department hrang hrang - Excise & Narcotics Department (END), Mizoram Police Department leh Customs Department-a officer te tan 9th October, 2013 leh 10th October, 2013 hian I&PR Conference Hall-ah “Two Day-Capsule Training on Drug Law Enforcement” an hmanpui.
He Two-Day Training hi Pu Lalhmunsanga, Dy.Commissioner of Excise & Narcotics (Enforcement) chuan ni 9th October, 2013 khan a hawng. He Training-ah hian Mizoram Sawrkar hnuaia Drugs dona kawnga hma latu Department hrang hrang - Excise & Narcotics Department (END), Mizoram Police Department leh Central Customs atangin Officer 27 an tel a ni.
Training-ah hian The Narcotics Drugs & Psychotropic Substances Act, 1985 (NDPS Act) hnuaia damdawi hman khap leh khuahkhirhte man dan, khuahkhirh dan leh a bawhchhetute hrem dan bakah Financial Investigation chungchang chipchiar takin an zirho a ni.
He training hi dt. 10th October, 2013 khanPu Lalbiakmawia Khiangte, Commissioner of Excise & Narcotics, Govt. of Mizoram chuan Training-a chhuakte hnenah Certificate hlanin a khar a.
Kharna inkhawmah thusawiin, Pu Lalbiakmawia Khiangte, Excise & Narcotics Commissioner chuan, “Mizoram hi International Boundary-a awm a nih avangin heng thenawm ram atang hian Drugs chi hrang hrang a rawn kal tlang nasa hle a. Tin, kan thenawm State Manipur atangin Ganja leh Opium lo lutin State thenawm dang atangin damdawi hmansual chi chi hrang hrang a lo lut mek bawk a. Chutih laiin damdawi pangngai atangin damdawi hlauhawm siamna tura pawimawh tak, Ephedrine leh Pseudoephedrine te chu Mizoram kaltlangin Myanmar lamah tawlh mek a ni bawk. Kan ram venhimna atana ruihhlo dona hi mimal leh vantlangte mawhphurhna a ni tih hriat hi a pawimawh hle. Tin, Drugs dona kawnga hma latu Department hrang hrangte hriatna leh thiamna thuam chak tura Narcotics Control Bureau-in Training hlu tak min rawn pe hi a lawmawm hle a ni,” a ti.
