Pu Lal Thanhawla Hon'ble Chief Minister - in Drugs Rs. 2279 lakhs chuang man a halral

[for English click here]

Vawiin 26^th June, 2013 dar 7:00 AM ‘International Day Against Drugs Abuse & Illicit Trafficking’ ni denchhenin Excise & Narcotics Department-ina Drugs chi hrang hrang an man chu New Secretariat Complex, Aizawl, Mizoramah an hâl ral a. He hunah hian Pu Lal Thanhawla, Hon’ble Chief Minister chu Chief Guest niin, Lt. Col. Z.S. Zuala, Parliamentary Secretary to Excise & Narcotics Department chu Guest of Honour a ni. 

Click the above picture or click here for more photos of the day

Ruihhlo halralna hun hi Pu Lalbiakmawia Khiangte, Commissioner of Excise & Narcotics, Mizoram chuan kaihruaiin ram hrang hrang te buaipui pakhat chu ruihhlo a nih thu sawiin, kumtin, International Day against Drugs Abuse & Illicit trafficking chu June ni 26-ah hman thin a nih thu a sawi a ni.

He halralna huna khuallian Chief Minister Pu _ chuan kalkhawmte chu ruihhlo dona kawnga tangrual turin a sawm a. Ruihhlo do kawnga sorkar department te leh tlawmngaipawl te thawhhona tha tak avangin lawmthu a sawi a. Mizoram hi ruihhlo leh thil chi dang hmanga run mek a ni a. Hemi laka vengtu leh a chhe lai siamthatu tur chu ram leilung fate an nih thu a sawi a. State pawn lama ruihhlo mana mizo an tel thin chu tha lo a tih thu a sawi a, Mizoram zalenna hmang dik lotute do rawn turin ram leilung fate a sawm a ni.. Thawktute inpekna leh thawhrimna vanga ruihhlo thahnem tak halral a ni chu lawmawm a tih thu a sawi bawk. Thawktute chu mahni hnaa tui turin a sawm bawk a ni.

Thu a sawi zawh hian khuallian chuan ruihhlo mansa te hi a halral ta a ni.