Zirlaite leh sumdawngte hnena Mizoram Sorkar ngenna

For English click here

NO.C.31018/14/2005-COMEX
GOVERNMENT OF MIZORAM
COMMISSIONERATE OF EXCISE & NARCOTICS
OPPOSITE AIJAL CLUB, KHATLA
MIZORAM : AIZAWL
.

 Dated Aizawl, the 22nd October, 2013

 

NGENNA

 

                   Tunlai hian Delhi, Kolkata, Guwahati, Imphal leh Silchar-ah te Mizo zirlai leh sumdawng zin vei vakte hnen atangin Pseudoephedrine an man thin a. Chungte chu Myanmar a tawlhluh tur a ni a. Chung an mante chu dan bawhchhia a sumdawng lian ten an kal man tum sakin engemaw zat hlawh tura an rawih te an ni.

           India ramah drugs licence nei ten Pseudoephedrine hi zawrh mai theih ni mahsela damdawi hlauhawm tak Methamphetamine siamna atana hman a nih avangin dan kalha sumdawn nan an hmang hluar hle a. Methamphetamine chuan mihring taksa leh rilru nasa takin a tichhe thei a. Khawvel hmun hrang hrangah sorkarin heroin aimaha a buaipui a ni. Hetianga Pseudoephedrine lo tawlh leh kawl te hi NDPS Act, 1985 hnuaia Controlled Substances Order, 2013 chuan a khap tlat a. He khapna dan bawhchhia te chu Section 25 A of NDPS Act, 1985 hmangin kum sawm thleng lungin tan tir theih a ni. Dan lova sumdawng ten an chhawr, man lo ni ta te hian hetianga hrem theih an ni tih hria sela chuan an in hnamhnawih duh kherin a rinawm loh. Hriatlohna hi dan hmaah chuan chhuanlam a tling lo a ni tih kan hriat theuh a tul hle a ni.

           India ramah Mizote hi Nigerian tih lohah chuan ruihhlo tawlh kawnga in hnamhnawih nasa ber ni a hriat kan lo ni ta hial a, a mualphothlakin a zahthlak hle a ni. Mizoram sorkar chuan hetianga drugs tawlh leh hman sual hi a ngaimawh takzet a, chuvang chuan India ram hmun hrang hrang a Mizo hnahthlak awmte chu in hnamhnawih lo turin a ngen tak meuh meuh a ni.

 

 

Sd- LALBIAKMAWIA KHIANGTE                                                                                                    Sd/-  L. TOCHHONG
   Commissioner of Excise & Narcotics                                                                                             Chief Secretary
            Government of Mizoram                                                                                               Government of Mizoram
                            &                                                                                                                             &
                      Secretary,                                                                                                                  Chairman
Apex Level State Coordination Committee                                                                     Apex Level State Coordination Committee

 

Click here to download the notice (Mizo) in pdf [135kb]

This website belongs to Excise & Narcotics Department, Government of Mizoram, India. Hosted by DoICT, Template by ZENICS | Template by ZENICS

Click to start chatting.