US Consul General leh Commissioner of Excise & Narcotics inkawm

                  16th October, 2014 chhun dar 12:30 khan Consul General of United States of America, Ms. Helen LaFave chuan Mizoram Excise & Narcotics Department tlawhin Pu Lalhmunsanga, Commissioner of Excise & Narcotics leh Department hotu dangte nen an inkawm.

                  Mizoram Excise & Narcotics Department hi Drugs Enforcement Administration (DEA), United States of America nen thawhhohna tha tak an nei mek a. Excise & Narcotics Department hian DEA atang hian Training chi hrang hrang bakah tanpuina tam tak an lo dawng tawh thin a ni. Tuna Mizoram a rawn tlawhah hian Ms. Helen LaFave chuan US sawrkar leh Mizoram Excise & Narcotics Department ten khawvela ruihhlo darh zel tur do hona kawnga hma an lak dun zel dan tur chungchangah Department hotute a rawn kawm a ni. 2001-a US sawrkarin tanpuina a pek zinga motor te pawh tun thlenga duty-na atana Excise & Narcotics Department ten an la hmang mek tih a hriatin mak a ti a, a lawm hle a ni.

                  Ms. Helen LaFave, Consul General of United States of America hi Gaurav Bansal, Consul for Political and Economic Affairs te, Kristi E Desai, Political officer leh Sourabh Sen, Global Affairs Specialist ten an rawn tawiawm am Excise & Narcotics Department Conference Hall-ah Lunch an kilho nghal bawk.

US Consul General Miss Helen LaFave meets the Commissioner of Excise & Narcotics Mr. Lalhmunsanga

 

 

This website belongs to Excise & Narcotics Department, Government of Mizoram, India. Hosted by DoICT, Template by ZENICS | Template by ZENICS

Click to start chatting.