Profile

India ram State tinah Excise Department hi department upa berte zinga mi a ni a. Amaherawhchu, Mizoram-ah hi chuan kan hmelhriat har hle thung. Assam State chhunga District pakhat kan nih lai khan Assam Excise Act, 1910 kha hman a nih ve loh avangin Excise mi leh sa pawh an rawn dah ngai lova.

 

 Mizoram Excise Department hi Department upa tak ni lo mahse Department thang duang ve tak a ni a. Mizoram Union Territory kan nih hnu kum khatah Mizoram Excise Act, 1973 chu siam a ni a, 1974 ah Inspector of Excise pakhat lak a ni a, tunah chuan Commissionerate hran neiin alo awm ve ta a. Thawktu (sanctioned post) pawh 635 lai kan awm tawh a ni. Amaherawh chu post engemaw zat hnawhkhah loh a ni.

 

Mizoram Excise Act, 1973 hman a nih hma chuan Dangerous Drug Act, 1930, Assam Opium Prohibition Act, 1947 leh Assam Ganja and Bhang Prohibition Act, 1958 te hmangin Mizoram Excise chuan hna kan thawk a. Tin, Mizoram-a sipai (Military & Para-Military) te zu in tur atangin chhiah thahnem tak kan la ve thin bawk a ni.

 

October 10, 1984-ah Mizoram Excise Act, 1973 leh Mizoram Excise Rule 1983 te chu hman a lo ni ta a. Hei hi Mizoram-a phalna nei lova zu sak, zawrh, etc. khap emaw zu zawrh phal theihna dan hman hmasak ber a ni. Tin, 1985-ah ruihhlo khuahkhirh leh khapna dan, Narcotic Drugs and Psychotropic Substances Act 1985 chu kan hmang a. He danin a huam si loh damdawi hmansual thin dang khuahkhirh leh khap nan Assam Drug (Control) Act 1950 chu September 6, 1995 atangin kan hmang leh ta bawk a.

 

Mizoram Excise Act, 1973 chu tha tawk lova hriat anih avangin dan thar Mizoram Excise Act 1992 siam a ni leh a. He dan hi hman a nih hmain Sawrkar-in zu khap bur mai chu tha in a hre leh ta zawk a. Tichuan Mizoram Liqour Total Prohibition Act 1995 chu February 20, 1997-ah hman a ni.

 

Mizoram Excise department hi ruihhlo beihna kawngah a hnarkaitu ber a nih avangin NDPS Act ‘85 kengkawh tur hian Mizoram sorkarin nodal department-ah kum 1992 atang khan a dah a, department hming pawh hi ni 16.10.2006 atang khan “Excise & Narcotics Department”  tia thlak a lo ni ta a ni.

 

Excise & Narcotics Department in kan thawh ber chu MLPC Act, 2014, MLTP Act 1995(now repealed), ME Act 1973, NDPS Act  1985 leh Assam Drugs (Control) Act, 1950 kenkawh leh sorkar tana revenue a tam thei ang ber lak a ni a.  Govt. of Mizoram (Allocation of Business) Rules, 2014 chuan kan Department hnathawh hetiang hian min tuk sak a ni:

  • Excise & Narcotics policy te;
  •  The Mizoram Excise Act;
  •  NDPS Act, 1985 leh a kaihhnawih te;
  • Zu leh Ruihhlo khuahkhirh chungchanga licence, permit leh a kaihhnawih dangte;
  • MLPC Act leh Rules chungchang te;
  • Excise & Narcotics policy chungchanga mipui te nen thawhhona leh a kaihhnawh thil dangte;

 

Mizoram Excise & Narcotics hian tunah chuan District pasarih - Aizawl, Lunglei, Saiha, Serchhip, Champhai, Kolasib leh Mamit-ah te Office neiin Aizawl leh Mamit tih lo-ah chuan Department building leh quarters nen Superintendent hovin kan awm a. Heng kan awmna hmunah hian mahni theuh a case buaipui thei turin Prosecution Branch hran court-ah kan nei vek bawk a. Hei bakah hian Vairengte -ah Excise & Narcotics Station pakhat a awm a, check-gate pakhat a awm bawk a. Bairabi-ah Station leh check-gate hawn tuma hmalak mek a ni bawk.

 

Kan Office zawng zawng hi  ralthuam leh biakhlatna (Wireless Radio Communication) nen thuam vek a ni bawk.

 

Tunah hian Mizoram Excise & Narcotics (Wine) Rules 2008 hmangin Champhai, Hnahlan, Aizawl leh Mizoram hmun dangah te ah Wineries siam a ni a. Hemi enkawl tur hian Excise & Narcotics Department chuan Officer leh Staff pawh a dah a. Department enkawlna hnuaiah Hnahlan, Champhai leh chhehvel a grape thar chhuah atangin wine tam tak siam chhuah a ni ta a ni.

 

Mizoram  Liquor (Prohibition and Control) Act, 2014  (Act No. 8 of 2014) chu 11th July, 2014 khan Mizoram Governor-in a pawmpui a. He dan hman a nih theih nan Rules duan a ni a, Mizoram Liquor (Prohibition and Control) Rules, 2014  chu November ni 18, 2014 khan Gazetted Notification tihchhuah a ni.

 

ENFORCEMENT OF MIZORAM LIQUOR (PROHIBITION AND CONTROL) ACT, 2014:

 

 Mizoram sorkar chuan Mizoram Liquor (Control & Prohibition) Act, 2014  w.e.f 15th January, 2015 chu a lo hmang tan a. He dan hnuaiah hian Bonded Warehouse Licences 3(pathum) pek a ni tawh a. Heng Bonded Warehouse te hi an function vek a ni. December ni 21, 2016 thlenga Bonded Warehouse licence pek te chu hengte hi ang ni:-

               1. S.S Enterprise Bonded Warehouse, Phunchawng.

               2. R.T.P Bonded Warehouse, Phunchawng.

               3. Rafael Enterprise. Dawrpui/Durtlang Leitan.

 

MLPC Act hman a nih atangin Zu zawrh phalna (Vendor licence) hi pekchhuah thin a, Khauh taka Dan lekkawhin dan zawm te chu an Licence cancel sak leh a then chu suspend an ni. He Dan MLPC Act, 2014 hnuaia zu zawrh te hi khauh leh uluk takin kan vil reng a ni. Dan bawhchhia te chu licence suspend leh cancel sak thlengin hrem an ni.

 

Kum 2016-17 kum khan Vendor licence valid 68 a awm mek. Heng zinga 61 te chu an function a ni.  Vendor licence nung mek (valid) hi Aizawl District-ah 23 an ni tawh a, Lunglei District-ah 5, Champhai District-ah 3, Kolasib District-ah 5, Serchhip District-ah 4 leh Mamit District-ah 3 te an nung (valid) mek a ni. 

 

Kum 2017-18 kum kal mekah hian Vendor licence renew leh pek thar 49 a awm tawh a, heng zinga 48 te hian dawr an hawng thei a ni. Vendor licence nung mek (valid) hi Aizawl District-ah 25 an ni tawh a, Lunglei District-ah 6, Champhai District-ah 4, Kolasib District-ah 7, Serchhip District-ah 4 leh Mamit District-ah 3 te an nung (valid) mek a ni. 

 

Kum 2017-18 Financial Year atan Liquor Vendor Licence nung (valid) te chu ni 27th July, 2017 thlenga 49 an ni a:

Corporation 5
Society 2
Private 35
MAP 2
I.R. Bn. 4
MRHG 1
TOTAL 49

 

 

He dan hnuaiah vek hian Licence for Club, Govt Lodgings and Hotel atan 2(pahnih) pek chhuah a ni tawh bawk.

 

He dan hnuaiah hian Brewery/Micro-brwery licence pakhat (1) pek chhuah a ni tawh bawk.

 

 

 

Kum 2017-18 Financial Year atan ni 27th July, 2017 thlenga khan he dan hnuaiah hian Liquor company hrang hrang 24 te chu register an ni tawh a. Heng company in register te chauh hian Mizoram-a bonded warehouse-ah zu an supply thei a ni. Zu tha leh thianghlim zawrh a nih theih nan company registration rawn dil zawng zawng pek an ni lo a. Tuna registration neite hi Food Safety and Standards Authority of India (FSSAI) registration nei vek an ni.

 

Mizoram-a zu rawn supply tur hi an label leh monocarton te Excise & Narcotics Department in approval a pek vek an ni a. 27th July, 2017 thleng khan kum 2017-18 kum kal lai mek atan zu brand chi hrang hrang label registered tawh zat chu 222 a ni.

 

July ni 15, 2017 thlenga Zu in phalna licence /permit pek chhuah tawh zat chu ___________ an ni.

 

 

Excise & Narcotics Department hian sanctioned posts 635 (Zaruk sawmthum panga) kan nei a. July ni 27, 2017 thlenga Department-a thawktu awm zat chu 500 (Zanga) a ni. Post  ruak 135 (Za sawmthum panga) a awm bawk.

 

 

STATEMENT SHOWING NOS OF POST ETC
UNDER EXCISE & NARCOTICS DEPARTMENT
As on 27th July, 2017
         
SL.
NO.
NAME OF POST NO.OF SANCTION
POST
NO OF POST
FILLED UP
NO. OF POST LYING
 VACANT
A. Enforcement      
1 Commissioner of Excise & Narcotics 1 1 0
2 Deputy Commissioner of Excise & Narcotics 2 2 0
3 Assistant Commissioner of Excise & Narcotics 2 2 0
4 Superintendent of Excise & Narcotics 11 11 0
5 Inspector of Excise & Narcotics 25 17 8
6 Sub-Inspector of Excise & Narcotics 53 51 2
7 Asstt. Sub-Inspector of Excise & Narcotics 18 15 3
8 Head Excise & Narcotics Constable 39 36 3
9 Wireless Operator 24 24 0
10 Driver 35 22 13
11 Excise & Narcotics Constable 350 273 77
  Total 560 454 106
B. Ministerial      
1 Office Superintendent  1 1 0
2 Head Assistant / Assistant 10 6 4
3 Upper Division Clerk 17 10 7
4 Lower Division Clerk 20 14 6
5 Stenographer-II 1 1 0
6 Stenographer-III 1 0 1
7 Gestetner Operator 1 1 0
8 IV-Grade 24 13 11
  Total 75 46 29
         
  Summary      
  Enforcement 560 454 106
  Ministerial 75 46 29
  Grand Total 635 500 135
         
         
  Comp Oprt. (MR)   1  
  LDC (MR)   4  
  4th Grade (MR)   7  
  Total MR   12  
         
         
  Total Excise (with MR employee)   512  

This website belongs to Excise & Narcotics Department, Government of Mizoram, India. Hosted by DoICT, Template by ZENICS | Template by ZENICS

Click to start chatting.